کیا انبیاء کرام علیہم السلام اپنی قبروں میں زندہ ہیں؟

حضرات انبیاء علیہم السلام کی حیات اور وفات کے بعد ان کا قبروں سے نکلنا

حضرت سلیمان علیہ السلام عصا کے سہارے کھڑے ہوئے تھے اور اسی حال میں ان کی روح قبض کر لی گئی اور ایک سال تک جن اور انسان یہی گمان کرتے رہے کہ آپ زندہ ہیں، آپ کے جسم میں کوئی تغیر نہیں ہوا اور نہ چہرے کی آب و تاب اور رعب و جلال میں کوئی فرق آیا اس سے معلوم ہوا کہ انبیاء علیہم السلام کی حیات جسمانی ہوتی ہے اور موت سے ان کا جسم بوسیدہ نہیں ہوتا اور با ور ان کی حیات اور موت میں کوئی فرق نہیں ہوتا باقی رہا یہ کہ وہ عصا کے سہارے کھڑے تھے اور جب دیمک نے ان کے عصا کو کھا لیا تو وہ زمین پر آ رہے اس کی وجہ یہ تھی کہ اللہ تعالیٰ نے ان کی تجہیز و تلقین کرانی تھی اور ان کی تدفین کرانی تھی اگر ایسا نہ ہوتا تو یہ امور کیسے واقع ہوتے،انبیاء علیہم السلام اپنی قبروں سے نکل کر زمین و آسمان کی اطراف میں آتے جاتے ہیں اور تصرف کرتے ہیں اس پر دلیل حسب ذیل احادیث ہیں:

حضرت ابن عباس رضی اللہ عنہما بیان کرتے ہیں کہ رسول اللہ صلی اللہ علیہ وسلم وادی از رق سے گزرے تو آپ نے فرمایا: یہ کون سی دادی ہے ؟ لوگوں نے کہا یہ وادی از رق ہے آپ نے فرمایا گویا کہ میں موسیٰ علیہ السلام کی ثنیہ (گھاٹی) سے اترتے ہوئے دیکھ رہا ہوں اور وہ بلند آواز سے تلبیہ (اللھم لبیک ) پڑھ رہے تھے پھر آپ ایک گھاٹی ھرشیٰ پر آئے، آپ نے پوچھا یہ کون سی کھاٹی ہے ؟ لوگوں نے کہا یہ ھرشیٰ گھاٹی ہے، آپ نے فرمایا گویا کہ میں یونس بن متی علیہ السلام کی طرف دیکھ رہا ہوں وہ ایک طاقت ور سرخ اونٹنی پر سوار ہیں جس کی نکیل کھجور کی چھال کی ہے انہوں نے ایک ادنی جبہ پہنا ہوا ہے اور وہ اللھم لبیک کہہ رہے ہیں۔

(صحیح مسلم ،رقم الحدیث 166،سنن ابن ماجہ، رقم الحدیث 2891)

حضرت عبد اللہ بن عمر بن الخطاب رضی اللہ عنہما بیان کرتے ہیں کہ رسول اللہ صلی اللہ علیہ وسلم نے فرمایا میں نے کعبہ کے پاس گندمی رنگ کا ایک شخص دیکھا جس کے بال سیدھے تھے اور ان سے پانی کے قطرے ٹپک رہے تھے اس نے دو آمیوں کے کندھوں پر ہاتھ رکھے ہوئے تھے میں نے پوچھا یہ کون ہے؟ لوگوں نے کہا یہ عیسٰی بن مریم یا مسیح بن مریم علیہ السلام ہیں ۔

صحیح مسلم ،رقم الحدیث،71) (